Papa

 Ye trasdi hai pita ke jeevan ki

Jab putra sawal ye karta hai

kiya kya hai tumne mere liye

Aur pita mook ho sunta hai


Sochta hai ki kaise mele me

mahenge khilone pe tum reejhe the

kam paise the meri jeb mein

fir bhi maine khareede the


Chhodh diya apne hisse ka

jab tumne maa se aur kaha

chott lagi jab jab tumko 

to jada dard hai maine saha


Nishchay hi tum aage ho mujhse

par yahi to shayad jeet thi meri

tum pita ban k bhi samjh naa paye

ki meri 'naa' me kya lachari thi


Afsos nahi mujhko iska 

ki tumne ye baat kahi mujhse

Dukh hai beta mujhko iska

ki kal yahi na kah de pota tumse


Tab glani karoge tum is par

aur aansun honge aankhon me

mahi rahunga paas tumhare 

ki bhar lun main tumko baahon me


Pita ke nischal prem ki

ye halki si jhanki hai

tum palat k dekho jeevan me

abhi kitna kuch kahna baaki hai!

Comments

Post a Comment

Popular posts from this blog

गुज़ारिश

Image
Jindgi ka har raasta kash ek mele sa hota ki har gali nukkad pe jaake yu biraani naa hoti,to accha tha.... ki roothe hue wo chehre jinme humne apne aks dehen hai jamaane se wo jab shikayaton ke pitaare se bojhil ho chuki aankhon ko humse fer kar anjaane se ban jate hain to lagta hai ki har pyara rishta hamara itna gahra naa hota to accha tha... kaanch ke tukdon si bikhri zindgi ko kal maine isi aaine me nihara tha aur dekh kar ke rang apne aaine me khud ko apni hi nazar se bachaya tha aaj jab sab toot kar tukdon me hai to sochta hun ye ki aggar wo aaina yu deewar pe lagaya naa hota to accha tha.. meri to kavita bhi roti hai mere sang har dard baant leti hai mera har baar aur fir ban jaati hai sangini mere aasuon ki pighlaate hue kagaj se dil tak ki har deewar par jab dard kuch kam nhi hota yu bhi to lagta hai ki ye kavita aggar meri hamraaz hamsafar naa hoti to accha tha....
Read more

हैप्पी डेज

Image
Jindagi ko jab jab maine college ke chasme se dekha Ye kuch jada hi sundar kuch jada rangeen si dikhti hai Tapri pe chai ke saath dhuen ke challe jab udte hain Whisky ke 2 ghoot maar jab Aristotle ban jaate hain Jab uski har muskaan hume izhaar-e muhabbat lagti hai Tab jaane kyun sari duniya kuch jada pyari lagti hai Khaali batue ka wajan humesha bhare se jada lagta hai Seedhe simple questions pe bhi muh se awaz nhi aati jab ulti seedhi harkat pe bhi sharam kabhi nhi lagti hai tab jaane kyun saari duniya kuch jada pyaari lagti hai Bistar chahe kitna ganda ho neend huemsha poori hoti hai Assignments ke question jab kabhi khud se nhi bante hain Jab rough k jaisi likhi lab file pe waat hamari lagti hai Tab jaane kyun ye saari duniya kuch jada pyaari lagti hai CT1 se CT2 tak book se safe distance maintain karo Class khatam ho jaane par bhi topic kya tha ye doubt ho Jab itna kuch kar lene par bhi back nahi meri lagti hai Tab jaane kyun ye...
Read more